Mga Awit 68:6-8

Ang Biblia, 2001

⁶ Ang nag-iisa ay binibigyan ng Diyos ng tahanan,
    kanyang inaakay ang mga bilanggo sa kasaganaan,
    ngunit ang mga mapaghimagsik sa tigang na lupa ay naninirahan.
⁷ O Diyos, nang humayo ka sa harapan ng iyong bayan,
    nang lumakad ka sa ilang, (Selah)
⁸ ang^(A) lupa ay nayanig,
    ang kalangitan ay nagbuhos ng ulan sa harapan ng Diyos;
    ang Sinai ay nayanig sa harapan ng Diyos, ang Diyos ng Israel.