64 Dinggin mo ang tinig ko. Oh Dios, sa aking hibik:
Ingatan mo ang buhay ko sa pagkatakot sa kaaway.
² Ikubli mo ako sa lihim na payo ng mga manggagawa ng kasamaan;
Sa panggugulo ng mga manggagawa ng kasamaan:
^3 (A)Na siyang nangaghasa ng kanilang dila na parang tabak,
At pinahilagpos ang kanilang mga ^(B)palaso, sa makatuwid baga'y ang masasakit na salita:
⁴ Upang kanilang maihilagpos sa sakdal sa mga lihim na dako:
Biglang inihihilagpos nila sa kaniya at hindi natatakot.
⁵ Sila'y nagpapakatapang sa masamang akala;
Sila'y nagsasangusapan ng paglalagay ng lihim na silo;
Sinasabi nila, ^(C)Sinong makakakita?
⁶ Sila'y nagsisipagsiyasat ng mga kasamaan;
Aming naganap, sabi nila, ang masikap na pagsiyasat;
At ang pagiisip sa loob ng bawa't isa, at ang puso ay malalim.
^7 (D)Nguni't pahihilagpusan sila ng Dios;
Sila'y masusugatang bigla ng isang palaso.
⁸ Sa gayo'y sila'y ^(E)matitisod palibhasa't ang kanilang sariling dila ay laban sa kanila:
Ang lahat na makakita sa kanila ay ^(F)mangaguuga ng ulo.
⁹ At lahat ng mga tao ay ^(G)mangatatakot;
At kanilang ipahahayag ang salita ng Dios,
At may karunungang kanilang bubuhayin ang kanilang gawa.
¹⁰ Ang matuwid ay ^(H)matutuwa sa Panginoon, at manganganlong sa kaniya;
At lahat ng mga matuwid sa puso ay magsisiluwalhati.

64 Pakinggan mo ang tinig ko, O Diyos, sa aking karaingan;
    ingatan mo ang buhay ko sa pagkatakot sa kaaway.
² Ikubli mo ako sa mga lihim na pakana ng masasama,
    sa panggugulo ng mga gumagawa ng kasamaan,
³ na naghahasa ng kanilang mga dila na parang espada,
    na nag-aakma ng masasakit na salita gaya ng mga pana,
⁴ upang patagong panain nila ang walang sala;
    bigla nilang pinapana siya at sila'y hindi matatakot.
⁵ Sila'y nagpapakatatag sa kanilang masamang layunin;
    ang paglalagay ng bitag ay pinag-uusapan nila nang lihim,
sinasabi, “Sinong makakakita sa atin?”
⁶     Sila'y kumakatha ng mga kasamaan.
“Kami'y handa sa isang pakanang pinag-isipang mabuti.”
    Sapagkat ang panloob na isipan at puso ng tao ay malalim!