Mga Awit 62:3-5

Ang Biblia (1978)

³ Hanggang kailan maghahaka kayo ng masama laban sa isang tao.
Upang patayin siya ninyong lahat,
^(A)Na gaya ng pader na tumagilid, o bakod na nabubuwal?
⁴ Sila'y nagsisisangguni lamang upang ibagsak siya sa kaniyang karilagan;
Sila'y natutuwa sa mga kasinungalingan:
Sila'y nagsisibasbas ng kanilang bibig, ^(B)nguni't nanganunumpa sa loob. (Selah)
⁵ Kaluluwa ko, maghintay kang tahimik sa Dios lamang;
Sapagka't ang aking pagasa ay mula sa kaniya.