Mga Awit 62:10-12

Magandang Balita Biblia (with Deuterocanon)

¹⁰Huwag kang magtiwala sa gawang marahas,
ni sa panghaharang, umasang uunlad;
kahit umunlad pa ang iyong kabuhayan
ang lahat ng ito'y di dapat asahan.

¹¹Hindi na miminsang aking napakinggan
na taglay ng Diyos ang kapangyarihan,
¹² at^(A) di magbabago kanyang pagmamahal.
Ayon sa ginawa ng sinumang tao, doon nababatay ang gantimpala mo.