Mga Awit 59:15-17

Magandang Balita Biblia

¹⁵Animo'y lagalag,
lakad lang nang lakad, pagkain ang hanap;
hindi masiyahan, kapag ang nakuha nila'y hindi sapat.

¹⁶Ngunit aawit ako,
pagkat ang taglay mo'y pambihirang lakas,
sa tuwing umaga ang aawitin ko'y pag-ibig mong wagas;
pagkat ika'y muog, sa buhay kong ito,
at aking kanlungan kapag lugmok ako.
¹⁷Pupurihin kita,
tagapagtanggol ko at aking kanlungan,
Diyos kong mapagmahal.