Mga Awit 37:12-14

Ang Biblia, 2001

¹² Ang masama ay nagpapakana laban sa matuwid,
    at ang mga ngipin nito sa kanya'y pinagngangalit;
¹³ ngunit pinagtatawanan ng Panginoon ang masama,
    sapagkat kanyang nakikita na dumarating ang araw niya.

¹⁴ Hinuhugot ng masama ang tabak at ang kanilang mga pana ay iniaakma,
    upang ang dukha at nangangailangan ay pabagsakin,
    upang ang mga lumalakad nang matuwid ay patayin;