Mga Awit 35:26-28

Ang Biblia, 2001

²⁶ Mapahiya nawa sila at malitong magkakasama
    silang nagagalak sa aking kapahamakan!
Madamitan nawa sila ng kahihiyan at kawalang-dangal
    silang laban sa akin ay nagyayabang!

²⁷ Silang nagnanais na ako'y mapawalang-sala
    ay sumigaw sa kagalakan at magsaya,
    at sa tuwina'y sabihin,
“Dakila ang Panginoon,
    na nalulugod sa kapakanan ng kanyang lingkod!”
²⁸ Kung gayo'y isasaysay ng aking dila ang iyong katuwiran
    at ang iyong kapurihan sa buong araw.