Mga Awit 23:2-4

Magandang Balita Biblia (with Deuterocanon)

² pinapahimlay^(A) niya ako sa luntiang pastulan,
    at inaakay niya sa tahimik na batisan.
³ Pinapanumbalik ang aking kalakasan,
at pinapatnubayan niya sa tamang daan,
    upang aking parangalan ang kanyang pangalan.
⁴ Dumaan man ako sa madilim na libis ng kamatayan,
    wala akong katatakutan, pagkat ika'y aking kaagapay.
Ang tungkod mo at pamalo, aking gabay at sanggalang.