Mga Awit 144
Magandang Balita Biblia
Pasasalamat sa Diyos sa Pagtatagumpay ng Hari
Katha ni David.
144 Purihin si Yahweh na aking kanlungan,
sa pakikibaka, ako ay sinanay;
inihanda ako, upang makilaban.
2 Matibay kong muog at Tagapagligtas,
at aking tahanang hindi matitinag;
Tagapagligtas kong pinapanaligan,
nilulupig niya sakop kong mga bayan.
3 O(A) Yahweh, ano nga ba naman ang tao?
At pinagtutuunan mo siya ng pansin?
4 Katulad ay ulap na tangay ng hangin,
napaparam siya na tulad ng lilim.
5 Langit mong tahanan ay iyong hubugin, Yahweh, lisanin mo't bumabâ sa amin;
mga kabundukan ay iyong yanigin, lalabas ang usok, aming mapapansin.
6 Ang maraming kidlat ay iyong suguin, lahat ng kaaway iyong pakalatin;
sa pagtakas nila ay iyong tudlain!
7 Abutin mo ako at iyong itaas,
sa kalalimang tubig ako ay iligtas;
ipagsanggalang mo't nang di mapahamak sa mga dayuhang may taglay na lakas,
8 ubod sinungaling na walang katulad,
kahit ang pangako'y pandarayang lahat.
9 O Diyos, may awitin akong bagung-bago,
alpa'y tutugtugin at aawit ako.
10 Tagumpay ng hari ay iyong kaloob,
at iniligtas mo si David mong lingkod.
11 Iligtas mo ako sa mga malupit kong kaaway;
sa kapangyarihan ng mga banyaga ay ipagsanggalang;
sila'y sinungaling, di maaasahan,
kahit may pangako at mga sumpaan.
12 Nawa ang ating mga kabataan
lumaking matatag tulad ng halaman.
Ang kadalagaha'y magandang disenyo,
kahit saang sulok ng isang palasyo.
13 At nawa'y mapuno, mga kamalig natin
ng lahat ng uri ng mga pagkain;
at ang mga tupa'y magpalaanakin,
sampu-sampung libo, ito'y paramihin.
14 Mga kawan natin, sana'y dumami rin
at huwag malagas ang kanilang supling;
sa ating lansangan, sana'y mawala na ang mga panaghoy ng lungkot at dusa!
15 Mapalad ang bansang kanyang pinagpala.
Mapalad ang bayang si Yahweh'y Diyos na dinadakila!
Psalm 144
21st Century King James Version
144 Blessed be the Lord my strength, who teacheth my hands to war and my fingers to fight;
2 my goodness and my fortress, my high tower and my deliverer, my shield and He in whom I trust, who subdueth my people under me.
3 Lord, what is man that Thou takest notice of him? Or the son of man that Thou makest account of him?
4 Man is like vanity; his days are as a shadow that passeth away.
5 Bow Thy heavens, O Lord, and come down; touch the mountains, and they shall smoke.
6 Cast forth lightning and scatter them; shoot out Thine arrows and destroy them.
7 Send Thine hand from above; rescue me and deliver me out of great waters from the hand of strangers,
8 whose mouth speaketh vanity and whose right hand is a right hand of falsehood.
9 I will sing a new song unto Thee, O God; upon a psaltery and an instrument of ten strings will I sing praises unto Thee.
10 It is He that giveth salvation unto kings, who delivereth David His servant from the hurtful sword.
11 Rescue me and deliver me from the hand of strangers, whose mouth speaketh vanity and whose right hand is a right hand of falsehood,
12 that our sons may be as plants full grown in their youth, that our daughters may be as cornerstones, polished after the similitude of a palace;
13 that our garners may be full, affording all manner of store, that our sheep may bring forth thousands and ten thousands in our streets;
14 that our oxen may be strong to labor, that there be no breaking in, nor going out, that there be no complaining in our streets.
15 Happy is that people for whom such is the case; yea, happy is that people whose God is the Lord.
Magandang Balita Biblia, Copyright © Philippine Bible Society 2012.
Copyright © 1994 by Deuel Enterprises, Inc.