Mga Awit 142:2-4

Magandang Balita Biblia

² ang aking dinala'y lahat kong hinaing,
    at ang sinabi ko'y pawang suliranin.
³ Nang ako ay halos wala nang pag-asa,
    ang dapat kong gawi'y nalalaman niya.
Sa landas na aking pinagdaraanan,
    may handang patibong ang aking kaaway.
⁴ Sa aking paligid, nang ako'y lumingon,
    wala ni isa man akong makatulong;
    wala kahit isa na magsasanggalang,
ni magmalasakit na kahit sinuman.