Mga Awit 113-118

Ang Biblia (1978)

113 Purihin ninyo ang Panginoon. Purihin ninyo, Oh ninyong mga lingkod ng Panginoon,
Purihin ninyo ang pangalan ng Panginoon.
^2 (A)Purihin ang pangalan ng Panginoon
Mula sa panahong ito at magpakailan man.
^3 (B)Mula sa pagsikat ng araw hanggang sa paglubog niyaon
Ang pangalan ng Panginoon ay pupurihin,
⁴ Ang Panginoon ay ^(C)mataas na higit sa lahat ng mga bansa,
At ang kaniyang kaluwalhatian ay ^(D)sa itaas ng mga langit.
^5 (E)Sino ang gaya ng Panginoon nating Dios,
Na may kaniyang upuan sa itaas,
^6 (F)Na nagpapakababang tumitingin
Ng mga bagay na nangasa sa langit at sa lupa?
^7 (G)Kaniyang ibinabangon ang dukha mula sa alabok,
At itinataas ang mapagkailangan mula sa dumi;
⁸ Upang maupo siya na kasama ng mga pangulo,
Sa makatuwid baga'y ng mga pangulo ng kaniyang bayan.
^9 (H)Kaniyang pinapagiingat ng bahay ang baog na babae,
At maging masayang ina ng mga anak.
Purihin ninyo ang Panginoon.

114 Nang ^(I)lumabas ang Israel sa Egipto,
Ang sangbahayan ni Jacob ^(J)mula sa bayang may ibang wika;
^2 (K)Ang Juda ay naging kaniyang santuario,
^(L)Ang Israel ay kaniyang sakop.
³ Nakita ^(M)ng dagat, at tumakas;
Ang Jordan ay napaurong.
^4 (N)Ang mga bundok ay nagsiluksong parang mga lalaking tupa,
Ang mga munting gulod na parang mga batang tupa.
^5 (O)Anong ipakikialam ko sa iyo, Oh dagat, na ikaw ay tumatakas?
Sa iyo Jordan, na ikaw ay umuurong?
⁶ Sa inyo mga bundok, na kayo'y nagsisiluksong parang mga lalaking tupa;
Sa inyong mga munting gulod, na parang mga batang tupa?
⁷ Mayanig ka, ikaw na lupa, sa harapan ng Panginoon,
Sa harapan ng Dios ni Jacob;
^8 (P)Na pinapagiging tipunan ng tubig ang malaking bato.
Na bukal ng tubig ang pingkiang bato.

115 Huwag ^(Q)sa amin, Oh Panginoon, huwag sa amin,
Kundi sa iyong pangalan ay ^(R)magbigay kang karangalan,
Dahil sa iyong kagandahang-loob, at dahil sa iyong katotohanan.
² Bakit sasabihin ng mga bansa,
^(S)Saan nandoon ngayon ang kanilang Dios?
³ Ngunit ang aming Dios ay nasa mga langit:
Kaniyang ginagawa ang kaniyang ibigin.
^4 (T)Ang kanilang mga diosdiosan ay pilak at ginto,
^(U)Yari ng mga kamay ng mga tao.
⁵ Sila'y may mga bibig, ^(V)nguni't sila'y hindi nangagsasalita;
Mga mata'y mayroon sila, nguni't hindi sila nangakakakita;
⁶ Sila'y may mga tainga, nguni't hindi sila nangakakarinig;
Mga ilong ay mayroon sila, nguni't hindi sila nangakakaamoy;
⁷ Mayroon silang mga kamay, nguni't hindi sila nangakatatangan;
Mga paa ay mayroon sila, nguni't hindi sila nangakalalakad;
Ni nangagsasalita man sila sa kanilang ngalangala.
^8 (W)Ang nagsisigawa sa kanila ay magiging gaya nila;
Oo, bawa't tumitiwala sa kanila.
^9 (X)Oh Israel, tumiwala ka sa Panginoon:
Siya'y kanilang saklolo at ^(Y)kanilang kalasag.
¹⁰ Oh sangbahayan ni Aaron, magsitiwala kayo sa Panginoon:
Siya'y kanilang saklolo at kanilang kalasag.
¹¹ Kayong nangatatakot sa Panginoon, magsitiwala kayo sa Panginoon;
Siya'y kanilang saklolo at kanilang kalasag.
¹² Inalaala tayo ng Panginoon; kaniyang pagpapalain tayo:
Kaniyang pagpapalain ang ^(Z)sangbahayan ni Israel,
Kaniyang pagpapalain ang sangbahayan ni Aaron.
¹³ Kaniyang pagpapalain ang nangatatakot sa Panginoon,
Ang mababa at gayon ang mataas.
^14 (AA)Palalaguin kayo ng Panginoon ng higit at higit,
Kayo at ang inyong mga anak.
¹⁵ Pinagpala kayo ng Panginoon,
Na gumawa ng langit at lupa.
^16 (AB)Ang mga langit ay mga langit ng Panginoon;
Nguni't ang lupa ay kaniyang ibinigay sa mga anak ng mga tao.
¹⁷ Ang patay ay ^(AC)hindi pumupuri sa Panginoon,
Ni sinomang nabababa sa katahimikan;
^18 (AD)Nguni't aming pupurihin ang Panginoon
Mula sa panahong ito hanggang sa walang hanggan.
Purihin ninyo ang Panginoon.

116 Aking iniibig ^(AE)ang Panginoon, sapagka't ^(AF)kaniyang dininig
Ang aking tinig at aking mga hiling.
² Sapagka't kaniyang ^(AG)ikiniling ang kaniyang pakinig sa akin,
Kaya't ako'y tatawag sa kaniya habang ako'y nabubuhay.
³ Ang tali ng kamatayan ay ^(AH)pumulupot sa akin,
At ang mga sakit ng Sheol ay nagsihawak sa akin:
Aking nasumpungan ang kabagabagan at kapanglawan.
^4 (AI)Nang magkagayo'y tumawag ako sa pangalan ng Panginoon;
Oh Panginoon, isinasamo ko sa iyo, iligtas mo ang aking kaluluwa.
^5 (AJ)Mapagbiyaya ang Panginoon, at matuwid;
Oo, ang Dios namin ay maawain.
⁶ Pinalalagi ng Panginoon ang mga tapat na loob:
^(AK)Ako'y nababa, at kaniyang iniligtas ako.
⁷ Bumalik ka sa iyong kapahingahan, ^(AL)Oh kaluluwa ko;
Sapagka't ginawan ka ng mabuti ng Panginoon.
^8 (AM)Sapagka't iyong iniligtas ang kaluluwa ko sa kamatayan,
At ang mga mata ko sa mga luha,
At ang mga paa ko sa pagkabuwal.
⁹ Ako'y lalakad sa harap ng Panginoon,
^(AN)Sa lupain ng mga buháy.
^10 (AO)Ako'y sumasampalataya, sapagka't ako'y magsasalita:
Ako'y lubhang nagdalamhati:
^11 (AP)Aking sinabi sa aking pagmamadali,
Lahat ng tao ay bulaan.
¹² Ano ang aking ibabayad sa Panginoon
Dahil sa lahat niyang kabutihan sa akin?
¹³ Aking kukunin ang ^(AQ)saro ng kaligtasan,
At tatawag ako sa pangalan ng Panginoon.
^14 (AR)Aking babayaran ang mga panata ko sa Panginoon,
Oo, sa harapan ng buo niyang bayan.
^15 (AS)Mahalaga sa paningin ng Panginoon
Ang kamatayan ng kaniyang mga banal.
¹⁶ Oh Panginoon, tunay na ako'y iyong lingkod;
Ako'y iyong lingkod, na ^(AT)anak ng iyong lingkod na babae;
Iyong kinalag ang aking mga tali.
¹⁷ Aking ihahandog sa iyo ang ^(AU)hain na pasalamat,
At tatawag ako sa pangalan ng Panginoon.
¹⁸ Aking babayaran ang mga panata ko ^(AV)sa Panginoon,
Oo, sa harapan ng buo niyang bayan;
¹⁹ Sa mga looban ng bahay ng Panginoon,
Sa gitna mo, Oh Jerusalem.
Purihin ninyo ang Panginoon.

117 ^(AW)Oh purihin ninyo ang Panginoon, ninyong lahat na mga bansa:
Purihin ninyo siya, ninyong lahat na mga bayan.
² Sapagka't ang kaniyang kagandahang-loob ay dakila sa atin;
At ^(AX)ang katotohanan ng Panginoon ay magpakailan man.
Purihin ninyo ang Panginoon.

118 Oh mangagpasalamat kayo ^(AY)sa Panginoon; sapagka't siya'y mabuti:
Sapagka't ang kaniyang kagandahang-loob ay magpakailan man.
^2 (AZ)Magsabi ngayon ang Israel,
Na ang kaniyang kagandahang-loob ay magpakailan man.
³ Magsabi ngayon ang sangbahayan ni Aaron,
Na ang kaniyang kagandahang-loob ay magpakailan man.
⁴ Mangagsabi ngayon ang nangatatakot sa Panginoon,
Na ang kaniyang kagandahang-loob ay magpakailan man.
^5 (BA)Sa aking kapanglawan ay tumawag ako sa Panginoon:
Sinagot ako ng Panginoon, at inilagay ako ^(BB)sa maluwag na dako.
^6 (BC)Ang Panginoon ay kakampi ko; ^(BD)hindi ako matatakot:
Anong magagawa ng tao sa akin?
^7 (BE)Ang Panginoon ay kakampi ko sa gitna nila na nagsisitulong sa akin:
^(BF)Kaya't makikita ko ang nasa ko sa kanila na nangagtatanim sa akin.
^8 (BG)Lalong mabuti ang manganlong sa Panginoon
Kay sa maglagak ng tiwala sa tao.
⁹ Lalong mabuti ang manganlong sa Panginoon
Kay sa maglagak ng tiwala sa mga pangulo.
¹⁰ Kinubkob ako ng lahat ng mga bansa sa palibot:
Sa pangalan ng Panginoon ay aking ihihiwalay sila.
¹¹ Kanilang kinubkob ako sa palibot; oo, kanilang kinubkob ako sa palibot:
Sa pangalan ng Panginoon ay aking ihihiwalay sila.
¹² Kanilang kinubkob ako sa palibot na parang mga pukyutan: sila'y ^(BH)nangamatay na parang ^(BI)apoy ng mga dawag:
Sa pangalan ng Panginoon ay aking ihihiwalay sila.
¹³ Itinulak mo akong bigla upang ako'y mabuwal:
Nguni't tulungan ako ng Panginoon.
¹⁴ Ang Panginoon ay ^(BJ)aking kalakasan at awit;
At siya'y naging aking kaligtasan.
¹⁵ Ang tinig ng kagalakan at kaligtasan ay nasa mga tolda ng matuwid:
Ang kanan ng Panginoon ay gumagawang matapang.
^16 (BK)Ang kanan ng Panginoon ay nabunyi;
Ang kanan ng Panginoon ay gumagawang matapang.
^17 (BL)Hindi ako mamamatay, kundi mabubuhay,
At ^(BM)magpapahayag ng mga gawa ng Panginoon.
^18 (BN)Pinarusahan akong mainam ng Panginoon;
Nguni't hindi niya ako ibinigay sa kamatayan.
^19 (BO)Buksan ninyo sa akin ang mga pintuan ng katuwiran;
Aking papasukan, ako'y magpapasalamat sa Panginoon.
²⁰ Ito'y siyang pintuan ng Panginoon;
^(BP)Papasukan ng matuwid.
²¹ Ako'y magpapasalamat sa iyo, sapagka't sinagot mo ako!
At ikaw ay naging aking kaligtasan.
^22 (BQ)Ang bato na itinakuwil ng nangagtayo ng bahay
Ay naging pangulo sa sulok.
²³ Ito ang gawa ng Panginoon:
Kagilagilalas sa harap ng ating mga mata.
²⁴ Ito ang araw na ginawa ng Panginoon;
Tayo'y mangagagalak at ating katutuwaan.
²⁵ Magligtas ka ngayon, isinasamo namin sa iyo, Oh Panginoon:
Oh Panginoon, isinasamo namin sa iyo, magsugo ka ngayon ng kaginhawahan.
^26 (BR)Mapalad siya na dumarating sa pangalan ng Panginoon:
Aming pinuri kayo mula sa bahay ng Panginoon.
²⁷ Ang Panginoon ay Dios, at ^(BS)binigyan niya kami ng liwanag;
Talian ninyo ang hain ng mga panali, sa makatuwid baga'y sa mga tila ^(BT)sungay ng dambana.
²⁸ Ikaw ay aking Dios, at magpapasalamat ako sa iyo:
Ikaw ay aking Dios, aking ibubunyi ka.
^29 (BU)Oh mangagpasalamat kayo sa Panginoon, sapagka't siya'y mabuti:
Sapagka't ang kaniyang kagandahang-loob ay magpakailan man.