112 Purihin ninyo ang Panginoon.
Mapalad ^(A)ang tao na natatakot sa Panginoon,
Na naliligayang mainam sa kaniyang mga utos.
^2 (B)Ang kaniyang binhi ay magiging makapangyarihan sa lupa;
Ang lahi ng matuwid ay magiging mapalad.
^3 (C)Kaginhawahan at kayamanan ay nasa kaniyang bahay:
At ang kaniyang katuwiran ay nananatili magpakailan man.
⁴ Sa matuwid ay ^(D)bumabangon ang liwanag sa kadiliman:
^(E)Siya'y mapagbiyaya at puspos ng kahabagan, at matuwid.
^5 (F)Ang ikabubuti ng taong mapagbiyaya at nagpapahiram,
Kaniyang aalalayan ang kaniyang usap sa kahatulan.
⁶ Sapagka't siya'y hindi makikilos magpakailan man;
Ang matuwid ay maaalaalang walang hanggan.
⁷ Siya'y hindi matatakot ^(G)sa mga masamang balita:
Ang kaniyang ^(H)puso ay matatag, na tumitiwala sa Panginoon.
⁸ Ang kaniyang puso ay natatag, siya'y hindi matatakot,
Hanggang sa kaniyang ^(I)makita ang nasa niya sa kaniyang mga kaaway.
⁹ Kaniyang pinanabog, kaniyang ibinigay sa mapagkailangan;
Ang kaniyang katuwiran ay nananatili magpakailan man,
Ang kaniyang ^(J)sungay ay matataas na may karangalan.
¹⁰ Makikita ng masama, at mamamanglaw;
Siya'y magngangalit ng kaniyang mga ngipin, at matutunaw:
Ang nasa ng masama ay ^(K)mapaparam.