Mga Awit 106:21-23

Magandang Balita Biblia

²¹ Kanilang nilimot ang Diyos na si Yahweh, ang Tagapagligtas,
    ang kanyang ginawa doon sa Egipto'y kagila-gilalas.
²² Sa lupaing iyon ang ginawa niya'y tunay na himala.
    Sa Dagat na Pula^[a] yaong nasaksihan ay kahanga-hanga.
²³ Ang pasya ng Diyos sa ginawa nila'y lipulin pagdaka,
    agad na dumulog kay Yahweh si Moises, namagitan siya,
    at hindi natuloy iyong kapasyahan na lipulin sila.