⁵ At bumaba si ^(A)Felipe sa bayan ng Samaria, at ipinangaral sa kanila ang Cristo.

⁶ At ang mga karamiha'y nangagkakaisang nangakikinig sa mga bagay na sinasalita ni Felipe, pagkarinig nila, at pagkakita ng mga tanda na ginawa niya.

⁷ Sapagka't sa ^(B)maraming may mga karumaldumal na espiritu, ay nangagsilabas sila, ^(C)na nangagsisisigaw ng malakas na tinig: at maraming lumpo, at pilay, ang pinagaling.

⁸ At nagkaroon ng malaking kagalakan sa bayang yaon.

⁹ Datapuwa't may isang tao, na nagngangalang Simon, na nang unang panaho'y nanggagaway sa bayan, at ^(D)pinahahanga ang mga tao sa Samaria, at nagsasabing siya'y isang dakila:

¹⁰ Na siyang pinakikinggan nilang lahat, buhat sa kaliitliitan hanggang sa kadakidakilaan, na sinasabi, ^(E)Ang taong ito ang siyang kapangyarihan ng Dios na tinatawag na Dakila.

¹¹ At siya'y pinakinggan nila, sapagka't mahabang panahong pinahahanga niya sila ng kaniyang mga panggagaway.

¹² Datapuwa't nang magsipaniwala sila kay Felipe na nangangaral ^(F)ng mabubuting balita tungkol sa kaharian ng Dios at sa pangalan ni Jesucristo, ay nangabautismuhan ang mga lalake't mga babae.

¹³ At si Simon man ay naniwala rin: at nang mabautismuhan na, ay nanatili siyang kasama ni Felipe; at nang makakita ng mga tanda at ng mga dakilang himalang ginawa, ay napahanga siya.

¹⁴ Nang mabalitaan nga ^(G)ng mga apostol na nangasa Jerusalem na tinanggap ng Samaria ang salita ng Dios, ay sinugo nila sa kanila ^(H)si Pedro at si Juan:

¹⁵ Na nang sila'y makalusong, ay ipinanalangin nila sila, ^(I)upang kanilang tanggapin ang Espiritu Santo.

¹⁶ Sapagka't ito'y hindi ^(J)pa bumababa sa kanino man sa kanila: kundi sila'y nangabautismuhan ^(K)lamang sa pangalan ng Panginoong Jesus.

¹⁷ Nang magkagayo'y ipinatong ^(L)sa kanila ang kanilang mga kamay, at kanilang tinanggap ang Espiritu Santo.

²⁵ Sila nga, nang makapagpatotoo at masabi na nila ang salita ng Panginoon, ay nangagbalik sa Jerusalem, at ipinangaral ang evangelio sa maraming nayon ng mga Samaritano.