Mga Gawa 19:8-10

Magandang Balita Biblia

⁸ Sa loob ng tatlong buwan, si Pablo'y pumapasok sa sinagoga at buong tapang na nagpapaliwanag sa mga naroon at hinihikayat sila tungkol sa kaharian ng Diyos.

⁹ Ngunit may ilan sa kanila na nagmatigas at ayaw sumampalataya, at nagsalita pa ng masama laban sa Daan sa harap ng kapulungan. Kaya't iniwan ni Pablo ang sinagoga kasama ang mga mananampalataya at nagpatuloy ng kanyang pangangaral araw-araw^[a] sa bulwagan ni Tirano. ¹⁰ Tumagal siya roon nang dalawang taon, kaya't ang lahat ng naninirahan sa Asia^[b], maging Judio o Griego ay nakarinig ng salita ng Panginoon.