¹⁷ At gayon man ay ^(A)hindi nagpabayang di nagbigay patotoo, tungkol sa kaniyang sarili, na gumawa ng mabuti ^(B)at nagbigay sa inyo ng ulang galing sa langit at ng mga panahong sagana, na pinupuno ang inyong mga puso ng ^(C)pagkain at ng katuwaan.

^24 (A)Ang Dios na gumawa ng sanglibutan at ng lahat ng mga bagay na naririto, siya, palibhasa'y Panginoon ng langit at ng lupa, ^(B)ay hindi tumatahan sa mga templong ginawa ng mga kamay;

²⁵ Ni hindi rin naman pinaglilingkuran siya ng mga kamay ng mga tao, ^(C)na para bagang siya'y nangangailangan ng anomang bagay, yamang siya rin ang nagbibigay sa lahat ng ^(D)buhay, at ng hininga, at ng lahat ng mga bagay;

²⁶ At ginawa niya sa isa ang bawa't bansa ng mga tao upang magsipanahan sa balat ng buong lupa, na itinakda ang kanilang talagang ayos ng mga kapanahunan at ^(E)ang mga hangganan ng kanilang tahanan;

²⁷ Upang kanilang hanapin ang Dios baka sakaling maapuhap nila siya at siya'y masumpungan, bagaman ^(F)hindi siya malayo sa bawa't isa sa atin:

¹⁴ (Sapagka't kung ang mga Gentil na walang kautusan sa katutubo, ay nagsisigawa ng mga bagay ng kautusan, ang mga ito, na walang kautusan, ay siyang kautusan sa kanilang sarili;

¹⁵ Na nangagtatanyag ng gawa ng kautusang nasusulat sa kanilang puso, na pinatotohanan ito pati ng kanilang budhi, at ang ^(A)kanilang mga pagiisip ay nangagsusumbungan o nangagdadahilanan sa isa't isa);