Mga Awit 123

Ang Biblia (1978)

123 Sa iyo'y ^(A)aking itinitingin ang mga mata ko,
Oh sa iyo ^(B)na nauupo sa mga langit.
² Narito, kung paanong tumitingin ang mga mata ng mga alipin sa kamay ng kanilang panginoon,
Kung paano ang mga mata ng alilang babae sa kamay ng kaniyang panginoong babae;
Gayon tumitingin ang mga mata namin sa Panginoon naming Dios,
Hanggang sa siya'y maawa sa amin.
³ Maawa ka sa amin, Oh Panginoon, maawa ka sa amin:
Sapagka't kami ay lubhang lipos ng ^(C)kadustaan.
⁴ Ang aming kaluluwa'y lubhang lipos
^(D)Ng duwahagi ng mga ^(E)tiwasay.
At ng paghamak ng palalo.