^37 (A)Alisin mo ang aking mga mata ^(B)sa pagtingin ng walang kabuluhan.
At buhayin mo ako sa iyong mga daan.

⁴⁰ Narito, ako'y ^(A)nanabik sa iyong mga tuntunin;
Buhayin mo ako sa iyong katuwiran.

⁸⁸ Buhayin mo ako ayon sa iyong kagandahang-loob;
Sa gayo'y aking iingatan ang patotoo ng iyong bibig.

⁹³ Hindi ko kalilimutan kailan man ang mga tuntunin mo;
Sapagka't sa pamamagitan ng mga yaon ay binuhay mo ako.

¹⁰⁷ Ako'y nagdadalamhating mainam:
^(A)Buhayin mo ako, Oh Panginoon, ayon sa iyong salita.

¹⁴⁹ Dinggin mo ang tinig ko ayon sa iyong kagandahang-loob:
^(A)Buhayin mo ako, Oh Panginoon, ayon sa iyong mga kahatulan.

^154 (A)Ipaglaban mo ang aking usap, at iligtas mo ako:
Buhayin mo ako ayon sa iyong salita.

¹⁵⁶ Dakila ang mga malumanay mong kaawaan, Oh Panginoon:
^(A)Buhayin mo ako ayon sa iyong mga kahatulan.

¹⁵⁹ Dilidilihin mo kung gaano iniibig ko ang mga utos mo:
Buhayin mo ako, Oh Panginoon, ayon sa iyong kagandahang-loob.