Matye 22:34-40

Nouvo Testaman: Vèsyon Kreyòl Fasil

Ki kòmandman ki pi Empòtan?

(Mak 12:28-34; Lik 10:25-28)

³⁴ Lè Farizyen tande jan Jezi te fèmen bouch Sadiseyen, yo fè yon reyinyon. ³⁵ Youn ladan yo, yon ekspè nan Lalwa Moyiz la, poze Jezi kesyon sa a: ³⁶ “Mèt, ki pi gran kòmandman ki gen nan Lalwa a?”

³⁷ Jezi reponn li: “Renmen Senyè Bondye ou la ak tout kè w, ak tout nanm ou, ak tout panse ou.^{(A) 38} Sa a se premye ak pi gran kòmandman an. ³⁹ Dezyèm nan ki sanble ak premye a se: Renmen pwochen w^[a] menm jan ak pwòp tèt pa w.^{(B) 40} Tout sa ki ekri nan Lalwa ak Pwofèt yo chita sou de gwo kòmandman sa yo.”