Matye 26:31-35

Nouvo Testaman: Vèsyon Kreyòl Fasil

Jezi anonse disip yo pral abandone l

(Mak 14:27-31; Lik 22:31-34; Jan 13:36-38)

³¹ Apre sa Jezi di disip yo: “Aswè a nou tout gen pou n kouri kite m, paske men sa ki ekri nan Bib la:

³² Men apre m fin resisite, M pral tann nou nan Galile.”

³³ Pyè reponn li: “Menmsi tout lòt moun yo kouri kite w, m p ap janm kouri kite w.”

³⁴ Jezi reponn li: “An verite, m ap di w sa: aswè a menm, anvan menm kòk chante, w ap gen tan di ou pa konnen m pandan twa fwa.”

³⁵ Pyè di li: “Menmsi m ta dwe mouri avè w, m p ap janm di m pa konnen w.” Epi tout lòt disip yo di menm bagay la tou.