Matye 26:1-5

Nouvo Testaman: Vèsyon Kreyòl Fasil

Plan pou touye Jezi

(Mak 14:1-2; Lik 22:1-2; Jan 11:45-53)

26 Apre Jezi fin pale tout pawòl sa yo, li di disip li yo: ² “Sonje, fèt Pak la se apre demen! Yo pral livre Pitit Lòm nan bay lènmi l yo ki pral krisifye l sou yon kwa.”

³ Apre sa prèt ki gen plis otorite yo ansanm ak lidè pèp Jwif yo te reyini nan lakou Kayif, chèf ki alatèt tout prèt yo. ⁴ Yo t ap mare yon konplo an sekrè pou wè kijan yo te ka arete Jezi epi touye li. ⁵ Men yo antann yo pou yo pa fè l pandan fèt Pak la paske yo pa t vle pèp la leve kont yo.