Sa Gawa Makikilala^(A)

¹⁵ “Mag-ingat kayo sa mga huwad na propeta. Lumalapit sila sa inyo na parang tupa, ngunit ang totoo'y mababangis na asong-gubat. ¹⁶ Makikilala^(B) ninyo sila sa kanilang mga gawa. Mapipitas ba ang ubas sa puno ng dawag, o ang igos sa matitinik na halaman? ¹⁷ Mabuti ang bunga ng mabuting puno, subalit masama ang bunga ng masamang puno. ¹⁸ Hindi maaaring mamunga ng masama ang mabuting puno at hindi maaaring mamunga ng mabuti ang masamang puno. ¹⁹ Ang^(C) bawat punong hindi mabuti ang bunga ay puputulin at itatapon sa apoy. ²⁰ Kaya't^(D) makikilala ninyo ang mga huwad na propeta sa pamamagitan ng kanilang mga gawa.”

⁴ Sumagot si Jesus, “Mag-ingat kayo upang hindi kayo mailigaw ninuman! ⁵ Maraming paparito sa pangalan ko at magpapanggap na sila ang Cristo, at marami silang maililigaw.

¹¹ Marami ang magpapanggap na propeta at ililigaw ang mga tao.

²⁴ Sapagkat may lilitaw na mga huwad na Cristo at mga huwad na propeta. Magpapakita sila ng mga kamangha-manghang himala at mga kababalaghan upang iligaw, kung maaari, maging ang mga hinirang ng Diyos.

⁸ Sumagot si Jesus, “Mag-ingat kayo upang hindi kayo mailigaw ninuman! Marami ang darating sa aking pangalan at magsasabi, ‘Ako ang Cristo,’ at, ‘Dumating na ang panahon!’ Huwag kayong susunod sa kanila.

Mga Dagdag na Tagubilin

¹⁷ Mga kapatid, nakikiusap ako sa inyo: mag-ingat kayo sa mga pasimuno ng mga pagkakampi-kampi at sanhi ng pagtalikod dahil sa pagsalungat nila sa aral na tinanggap ninyo. Iwasan ninyo sila.

¹⁸ Ang mga taong gayon ay hindi naglilingkod kay Cristo na Panginoon natin, kundi sa pansariling hangarin. Inililigaw nila ang mga may mahinang pag-iisip sa pamamagitan ng kaakit-akit at matatamis na pangungusap.