Mateo 9:35-38

Magandang Balita Biblia

Nahabag si Jesus sa mga Tao

³⁵ Nilibot^(A) ni Jesus ang lahat ng mga bayan at nayon doon. Nagtuturo siya sa kanilang mga sinagoga at ipinapangaral ang Magandang Balita tungkol sa paghahari ng Diyos. Pinagaling din niya ang lahat ng uri ng sakit at karamdaman. ³⁶ Nang^(B) makita niya ang napakaraming tao, nahabag siya sa kanila sapagkat sila'y litung-lito at hindi alam ang gagawin, parang mga tupang walang pastol. ³⁷ Kaya't^(C) sinabi niya sa kanyang mga alagad, “Napakaraming aanihin, ngunit kakaunti ang mag-aani. ³⁸ Idalangin ninyo sa may-ari ng aanihin na magpadala ng mga mag-aani.”