^57 (A)At si Jesus ay dinala ng nagsihuli sa kaniya sa dakilang saserdoteng si ^(B)Caifas, na doo'y nangagkakapisan ang mga eskriba at matatanda.

⁵⁸ Datapuwa't si Pedro'y sumunod sa kaniya sa malayo, hanggang sa looban ng dakilang saserdote, at siya'y pumasok, at nakiumpok sa mga punong kawal, upang makita niya ang wakas.

⁵⁹ Ang mga pangulong saserdote nga at ang buong Sanedrin ay nagsisihanap ng patotoong kabulaanan laban kay Jesus, upang siya'y kanilang maipapatay;

⁶⁰ At yao'y hindi nila nangasumpungan, bagaman ^(C)maraming nagsiharap na mga saksing bulaan. Nguni't pagkatapos ay nagsidating ang dalawa,

⁶¹ At nangagsabi, Sinabi ng taong ito, ^(D)Maigigiba ko ang templo ng Dios, at muling itatayo ko sa tatlong araw.

⁶² At nagtindig ang dakilang saserdote, at sinabi sa kaniya, Wala kang isinasagot na anoman? Ano itong sinasaksihan ng mga ito laban sa iyo?

⁶³ Datapuwa't hindi umimik si ^(E)Jesus. At sinabi ng dakilang saserdote sa kaniya, ^(F)Kita'y pinapanunumpa alangalang sa Dios na buhay, na sabihin mo sa amin kung ikaw nga ang Cristo, ^(G)ang Anak ng Dios.

⁶⁴ At sinabi sa kaniya ni Jesus, Ikaw ang nagsabi: gayon ma'y sinasabi ko sa inyo, Buhat ngayon ay ^(H)inyong makikita ang Anak ng tao na nakaupo sa kanan ng Kapangyarihan, at pumaparitong nasa mga alapaap ng langit.

⁶⁵ Nang magkagayoy hinapak ng dakilang saserdote ang kaniyang mga damit, na sinasabi, Nagsalita siya ng kapusungan: ano pa ang kailangan natin ng mga saksi? narito, ngayo'y narinig ninyo ang kapusungan:

⁶⁶ Ano ang akala ninyo? Nagsisagot sila at kanilang sinabi, ^(I)Karapatdapat siya sa kamatayan.

⁶⁷ Nang magkagayo'y ^(J)niluraan nila ang kaniyang mukha at siya'y kanilang pinagsusuntok: at tinatampal siya ng mga iba,

⁶⁸ Na nangagsasabi, ^(K)Hulaan mo sa amin, ikaw Cristo: sino ang sa iyo'y bumubugbog?

⁵⁴ At kanilang dinakip siya, at ^(A)dinala siya, at ipinasok siya sa bahay ng pangulong saserdote. ^(B)Datapuwa't sa malayo'y sumusunod si Pedro.

^55 (C)At nang makapagpadikit nga sila ng apoy sa gitna ng ^(D)looban, at mangakaupong magkakasama, si Pedro ay nakiumpok sa gitna nila.

^63 (A)At nililibak si Jesus, at siya'y sinasaktan ng mga taong nangagbabantay.

⁶⁴ At siya'y piniringan nila, at tinatanong siya, na sinasabi, Hulaan mo; sino ang sa iyo'y humampas?

⁶⁵ At sinabi nila ang ibang maraming bagay laban sa kaniya, na siya'y inaalimura.

⁶⁶ At nang araw na, ay nagkatipon ang kapulungan ng matatanda sa bayan, ang mga pangulong saserdote, at gayon din ang mga eskriba, at dinala siya sa kanilang Sanedrin, na sinasabi,

⁶⁷ Kung ikaw ang Cristo, ay sabihin mo sa amin. Datapuwa't sinabi niya sa kanila, Kung sabihin ko sa inyo, ay hindi ninyo ako paniniwalaan:

⁶⁸ At kung kayo'y aking tanungin, ay hindi kayo magsisisagot.

⁶⁹ Datapuwa't ^(B)magmula ngayon ang Anak ng tao ay mauupo sa kanan ng kapangyarihan ng Dios.

⁷⁰ At sinabi nilang lahat, Kung gayo'y ikaw baga ang ^(C)Anak ng Dios? At sinabi niya sa kanila, Kayo ang nangagsasabi ^(D)na ako nga.

⁷¹ At sinabi nila, Ano pa ang kailangan natin ng patotoo? sapagka't tayo rin ang nangakarinig sa kaniyang sariling bibig.

¹³ At ^(A)siya'y dinala muna ^(B)kay Anas; sapagka't siya'y biyenan ni ^(C)Caifas, na dakilang saserdote nang taong yaon.

¹⁴ Si Caifas nga ^(D)na siyang nagpayo sa mga Judio, na dapat na ang isang tao'y mamatay dahil sa bayan.

^19 (A)Tinanong nga ng dakilang saserdote si Jesus tungkol sa kaniyang mga alagad, at sa kaniyang pagtuturo.

²⁰ Sinagot siya ni Jesus, Ako'y hayag na nagsalita sa sanglibutan; ako'y laging nagtuturo ^(B)sa mga sinagoga, at sa templo, na siyang pinagkakatipunan ng lahat ng mga Judio; at wala akong sinalita sa lihim.

²¹ Bakit ako'y iyong tinatanong? tanungin mo silang nangakarinig sa akin, kung anong sinalita ko sa kanila: narito, ang mga ito ang nangakakaalam ng mga bagay na sinabi ko.

²² At nang kaniyang masabi ito, ay sinampal si Jesus ng isa sa mga punong kawal na nakatayo roon, na nagsasabi, ^(C)Ganyan ang pagsagot mo sa dakilang saserdote?

²³ Sinagot siya ni Jesus, Kung ako'y nagsalita ng masama, patotohanan mo ang kasamaan; datapuwa't kung mabuti, bakit mo ako sinasampal?

²⁴ Ipinadala nga siyang gapos ni Anas kay Caifas na dakilang saserdote.