Mateo 26:37-39

Ang Salita ng Dios (Tagalog Contemporary Bible)

³⁷ Isinama niya si Pedro at ang dalawang anak ni Zebedee. Nagsimulang mabagabag at maghinagpis nang lubos si Jesus, ³⁸ at sinabi niya sa kanila, “Para akong mamamatay sa labis na kalungkutan. Dito lang kayo at magpuyat.” ³⁹ Lumayo siya nang kaunti, lumuhod at nanalangin, “Ama ko, kung maaari po ay ilayo nʼyo sana sa akin ang mga paghihirap na darating.^[a] Ngunit hindi ang kalooban ko ang masunod kundi ang kalooban ninyo.”