³¹ Nang magkagayo'y sinabi sa kanila ni Jesus, Kayong lahat ay ^(A)mangagdaramdam sa akin sa gabing ito: sapagka't nasusulat, ^(B)Sasaktan ko ang pastor, at mangangalat ang mga tupa ng kawan.

³² Datapuwa't pagkapagbangon ko, ay ^(C)mauuna ako sa inyo sa Galilea.

³³ Datapuwa't sumagot si Pedro at sinabi sa kaniya, Kung ang lahat ay mangagdaramdam sa iyo, ^(D)ako kailan ma'y hindi magdaramdam.

³⁴ Sinabi sa kaniya ni Jesus, Katotohanang sinasabi ko sa iyo, na sa gabing ito, ^(E)bago tumilaok ang manok, ay ikakaila mo akong makaitlo.

³⁵ Sinabi sa kaniya ni Pedro, ^(F)Kahima't ako'y mamatay na kasama mo, ay hindi kita ikakaila. Gayon din ang sinabi ng lahat ng mga alagad.

²⁷ At sinabi sa kanila ni Jesus, Kayong lahat ay mangatitisod: sapagka't nasusulat, ^(A)Sasaktan ko ang pastor, at mangangalat ang mga tupa.

²⁸ Gayon ma'y pagkapagbangon ko, ay mauuna ako sa inyo sa Galilea.

²⁹ Datapuwa't sinabi sa kaniya ni Pedro, Bagama't mangatitisod ^(B)ang lahat, nguni't ako'y hindi.

³⁰ At sinabi sa kaniya ni Jesus, Katotohanang sinasabi ko sa iyo, na ngayon, sa gabi ring ito, bago tumilaok ang manok ^(C)ng makalawa, ay ikakaila mo akong makaitlo.

³¹ Datapuwa't lalo nang nagmatigas siya na sinabi, Kahima't kailangang mamatay akong kasama mo, ay hindi kita ikakaila. At sinabi rin naman ng lahat ang gayon din.

³⁶ Sinabi sa kaniya ni Simon Pedro, Panginoon, ^(A)saan ka paroroon? Sumagot si Jesus, Sa paroroonan ko, ay hindi ka makasusunod sa akin ngayon: ^(B)nguni't pagkatapos ay makasusunod ka.

³⁷ Sinabi sa kaniya ni Pedro, Panginoon, bakit hindi ako makasusunod sa iyo ngayon? ^(C)Ang aking buhay ay ibibigay ko dahil sa inyo.

³⁸ Sumagot si Jesus. Ang buhay mo baga'y iyong ibibigay dahil sa akin? Katotohanan, katotohanang sinasabi ko sa iyo, Hindi titilaok ^(D)ang manok, ^(E)hanggang ikaila mo akong makaitlo.