³¹ Nang magkagayo'y sinabi sa kanila ni Jesus, Kayong lahat ay ^(A)mangagdaramdam sa akin sa gabing ito: sapagka't nasusulat, ^(B)Sasaktan ko ang pastor, at mangangalat ang mga tupa ng kawan.

³² Datapuwa't pagkapagbangon ko, ay ^(C)mauuna ako sa inyo sa Galilea.

³³ Datapuwa't sumagot si Pedro at sinabi sa kaniya, Kung ang lahat ay mangagdaramdam sa iyo, ^(D)ako kailan ma'y hindi magdaramdam.

³⁴ Sinabi sa kaniya ni Jesus, Katotohanang sinasabi ko sa iyo, na sa gabing ito, ^(E)bago tumilaok ang manok, ay ikakaila mo akong makaitlo.

³⁵ Sinabi sa kaniya ni Pedro, ^(F)Kahima't ako'y mamatay na kasama mo, ay hindi kita ikakaila. Gayon din ang sinabi ng lahat ng mga alagad.

³¹ Simon, Simon, narito, hiningi ka ni ^(A)Satanas upang ikaw ay maliglig niyang gaya ng trigo:

³² Datapuwa't ikaw ay ipinamanhik ^(B)ko, na huwag magkulang ang iyong pananampalataya; at ikaw, kung ^(C)makapagbalik ka nang muli, ay ^(D)papagtibayin mo ang iyong mga kapatid.

³³ At sinabi niya sa kaniya, Panginoon, nakatalaga akong sumama sa iyo sa bilangguan at ^(E)sa kamatayan.

³⁴ At kaniyang sinabi, Sinasabi ko sa iyo, ^(F)Pedro, na hindi titilaok ngayon ang manok, hanggang sa ikaila mong makaitlo na ako'y hindi mo nakikilala.

³⁶ Sinabi sa kaniya ni Simon Pedro, Panginoon, ^(A)saan ka paroroon? Sumagot si Jesus, Sa paroroonan ko, ay hindi ka makasusunod sa akin ngayon: ^(B)nguni't pagkatapos ay makasusunod ka.

³⁷ Sinabi sa kaniya ni Pedro, Panginoon, bakit hindi ako makasusunod sa iyo ngayon? ^(C)Ang aking buhay ay ibibigay ko dahil sa inyo.

³⁸ Sumagot si Jesus. Ang buhay mo baga'y iyong ibibigay dahil sa akin? Katotohanan, katotohanang sinasabi ko sa iyo, Hindi titilaok ^(D)ang manok, ^(E)hanggang ikaila mo akong makaitlo.