^26 (A)At samantalang sila'y nagsisikain, ay dumampot si Jesus ng tinapay, at pinagpala, at pinagputolputol; at ibinigay sa mga alagad, at sinabi, Kunin ninyo, kanin ninyo; ito ang aking katawan.

²⁷ At dumampot siya ng isang saro, at nagpasalamat, at ibinigay sa kanila, na nagsasabi, Magsiinom kayong lahat diyan;

²⁸ Sapagka't ^(B)ito ang aking dugo ng tipan, na nabubuhos ^(C)dahil sa marami, ^(D)sa ikapagpapatawad ng mga kasalanan.

²⁹ Datapuwa't sinasabi ko sa inyo, ^(E)na buhat ngayon ay hindi na ako iinom nitong bunga ng ubas, hanggang sa araw na yaon na inumin kong panibago na mga kasalo ko kayo ^(F)sa kaharian ng aking Ama.

^30 (G)At pagkaawit nila ^(H)ng isang himno, ay ^(I)nagsiparoon sila sa bundok ng mga Olivo.

¹⁴ At nang dumating ang oras, ay ^(A)naupo siya, at ang mga apostol ay kasalo niya.

¹⁵ At sinabi niya sa kanila, Pinakahahangad kong kanin na kasalo ninyo ang kordero ng paskuang ito bago ako maghirap:

¹⁶ Sapagka't sinasabi ko sa inyo, Ito'y hindi ko kakanin, ^(B)hanggang sa ito'y maganap ^(C)sa kaharian ng Dios.

¹⁷ At siya'y tumanggap ng isang saro, at nang siya'y makapagpasalamat, ay sinabi niya, Kunin ninyo ito, at inyong pagbahabahaginin:

¹⁸ Sapagka't sinasabi ko ^(D)sa inyo, na hindi na ako iinom mula ngayon ng bunga ng ubas, hanggang sa dumating ang kaharian ng Dios.

¹⁹ At siya'y dumampot ng tinapay, ^(E)at nang siya'y makapagpasalamat, ay kaniyang pinagputolputol, at ibinigay sa kanila, na sinasabi, Ito'y aking katawan, na ibinibigay dahil sa inyo: gawin ninyo ito sa pagaalaala sa akin.

²⁰ Gayon din naman ang saro, pagkatapos na makahapon, na sinasabi, Ang sarong ito'y ang bagong tipan sa aking dugo, na nabubuhos nang dahil sa inyo.

²³ Sapagka't ^(A)tinanggap ko sa Panginoon ang ibinibigay ko naman sa inyo; na ^(B)ang Panginoong Jesus nang gabing siya'y ipagkanulo ay dumampot ng tinapay;

²⁴ At nang siya'y makapagpasalamat, ay kaniyang pinagputolputol, at sinabi, Ito'y aking katawan na pinagputolputol dahil sa inyo: gawin ninyo ito sa pagaalaala sa akin.

²⁵ At gayon din naman hinawakan ang saro pagkatapos na makahapon, na sinasabi, Ang sarong ito'y siyang bagong tipan sa aking dugo: gawin ninyo ito sa tuwing kayo'y magsisiinom, sa pagaalaala sa akin.