Mateo 25:37-40

Ang Salita ng Dios (Tagalog Contemporary Bible)

³⁷ Sasagot ang mga matuwid, ‘Panginoon, kailan po namin kayo nakitang nagutom at aming pinakain, o nauhaw at aming pinainom? ³⁸ Kailan namin kayo nakitang naging dayuhan at aming pinatuloy o walang maisuot at aming binihisan? ³⁹ Kailan namin kayo nakitang may sakit o nasa kulungan at aming binisita?’ ⁴⁰ At sasagot ako bilang Hari, ‘Sinasabi ko sa inyo ang totoo, nang ginawa nʼyo ito sa pinakahamak kong mga kapatid, para na rin nʼyo itong ginawa sa akin.’