Mateo 27:26-31

Ang Biblia (1978)

²⁶ Nang magkagayo'y pinawalan niya sa kanila si Barrabas; nguni't si Jesus ay ^(A)hinampas at ibinigay upang ipako sa krus.

²⁷ Nang magkagayo'y dinala si Jesus ^(B)ng mga kawal ng gobernador sa Pretorio, at nagkatipon sa kaniya ang buong pulutong.

²⁸ At siya'y kanilang hinubdan, at dinamtan ^(C)siya ng isang balabal na kulay-ube.

²⁹ At sila'y nangagkamakama ng isang putong na tinik, at ipinutong sa kaniyang ulo, at inilagay sa kanang kamay niya ang isang tambo; at sila'y nagsiluhod sa harap niya at siya'y kanilang nilibak, na nagsisipagsabi, Magalak, Hari ng mga Judio!

³⁰ At siya'y ^(D)kanilang niluluraan, at kinuha nila ang tambo at sinaktan siya sa ulo.

³¹ At nang siya'y kanilang malibak, ay hinubdan nila siya ng balabal, at isinuot sa kaniya ang kaniyang mga damit, at kanilang inilabas siya upang ipako sa krus.