²² At ^(A)lahat ng mga bagay na inyong hihingin sa panalangin, na may pananampalataya, ay inyong tatanggapin.

²⁴ Kaya nga sinasabi ko sa inyo, Ang lahat ng mga bagay na inyong idinadalangin at hinihingi, ay magsisampalataya kayo na inyong tinanggap na, at inyong kakamtin.

^13 (A)At ang anomang inyong hingin ^(B)sa aking pangalan, ay yaon ang aking gagawin, upang ang Ama ay lumuwalhati sa Anak.

⁷ Kung kayo'y magsipanatili sa akin, at ang mga salita ko'y magsipanatili sa inyo, ay ^(A)hingin ninyo ang anomang inyong ibigin, at gagawin sa inyo.

²⁴ Hanggang ngayo'y wala pa kayong hinihinging anoman sa pangalan ko: kayo'y magsihingi, at kayo'y tatanggap, ^(A)upang malubos ang inyong kagalakan.

⁵ Nguni't kung nagkukulang ng karunungan ang sinoman sa inyo, ay ^(A)humingi sa Dios, na nagbibigay ng sagana sa lahat at hindi nanunumbat; at ito'y ibibigay sa kaniya.

⁶ Nguni't ^(B)humingi siyang may pananampalataya, ^(C)na walang anomang pagaalinlangan: sapagka't yaong nagaalinlangan ay katulad ^(D)ng isang alon ng dagat na itinutulak ng hangin at ipinapadpad sa magkabikabila.

^22 (A)At anomang ating hingin ay tinatanggap natin sa kaniya, sapagka't tinutupad natin ang kaniyang mga utos at ginagawa natin ang mga bagay na kalugodlugod sa kaniyang paningin.

¹⁴ At ito ang nasa ating ^(A)pagkakatiwala sa kaniya, na kung tayo'y humingi ng anomang bagay na ^(B)ayon sa kaniyang kalooban, ay dinidinig tayo niya:

¹⁵ At kung ating nalalaman na tayo'y dinidinig niya sa anomang ating hingin, ay nalalaman natin na nasa atin ang mga kahilingang sa kaniya'y ating hiningi.