18 Nang oras na ^(A)yaon ay nagsilapit ang mga alagad kay Jesus, na nangagsasabi, Sino nga baga ang pinakadakila sa kaharian ng langit?

² At pinalapit niya sa kaniya ang isang maliit na bata, at inilagay sa gitna nila,

³ At sinabi, Katotohanang sinasabi ko sa inyo, Malibang ^(B)kayo'y magsipanumbalik, at ^(C)maging tulad sa maliliit na bata, sa anomang paraan ay hindi kayo magsisipasok sa kaharian ng langit.

⁴ Sinoman ngang magpakababa na gaya ng maliit na batang ito, ay siyang pinakadakila sa kaharian ng langit.

⁵ At ^(D)sinomang tumanggap sa isa sa ganitong maliit na bata sa aking pangalan ay ako ang tinanggap:

³⁴ Datapuwa't hindi sila nagsiimik: sapagka't sila-sila ^(A)ay nangagtalo sa daan, kung sino ang pinakadakila.

³⁵ At siya'y naupo, at tinawag ang labingdalawa; at sa kanila'y sinabi niya, ^(B)Kung sinoman ang ibig na maging una, ay siyang mahuhuli sa lahat, at lingkod ng lahat.

³⁶ At ^(C)kinuha niya ang isang maliit na bata, at inilagay sa gitna nila: at siya'y kaniyang kinalong, na sa kanila'y sinabi niya,

³⁷ Ang sinomang tumanggap sa isa sa mga ganitong maliliit na bata sa aking pangalan, ay ako ang tinatanggap: at ang ^(D)sinomang tumanggap sa akin, ay hindi ako ang tinatanggap, kundi yaong sa aki'y nagsugo.