^9 (A)Huwag kayong mangagbaon ng ginto, kahit pilak, kahit tanso sa inyong mga supot:

¹⁰ Kahit ^(B)supot ng pagkain sa paglalakad, kahit dalawang tunika, kahit mga pangyapak, o tungkod: ^(C)sapagka't ang manggagawa ay karapat-dapat sa kaniyang pagkain.

¹¹ At sa alin mang bayan o nayon na inyong pasukin, siyasatin ninyo kung sino roon ang karapatdapat; at magsitahan kayo roon hanggang sa kayo'y magsialis.

¹² At pagpasok ninyo sa bahay, ^(D)ay batiin ninyo ito.

¹³ At kung karapatdapat ang bahay, ay dumoon ang inyong kapayapaan: datapuwa't kung hindi karapatdapat, ay mabalik sa inyo ang kapayapaan ninyo.

¹⁴ At sinomang hindi tumanggap sa inyo, ni duminig sa inyong mga pananalita, pagalis ninyo sa bahay o bayang yaon, ay ^(E)ipagpag ninyo ang alabok ng inyong mga paa.

⁸ At ipinagbilin niya sa kanila ^(A)na huwag silang magsipagbaon ng anoman sa paglakad, kundi tungkod lamang; kahit tinapay, kahit supot ng ulam, kahit salapi sa kanilang supot;

⁹ Datapuwa't gumamit ng mga sandalyas: at, huwag magsuot ng dalawang tunika.

¹⁰ At sinabi niya sa kanila, Saan man kayo magsipasok sa isang bahay, mangatira kayo roon hanggang sa kayo'y magsialis doon.

¹¹ At sa alin mang dakong hindi kayo tanggapin, at hindi kayo pakinggan, pagalis ninyo doo'y ipagpag ninyo ang alabok na nasa ilalim ng inyong talampakan bilang patotoo sa kanila.

^4 (A)Huwag kayong magsipagdala ng supot ng salapi, ng supot man ng pagkain, ng mga pangyapak man; ^(B)at huwag kayong magsibati kanino mang tao sa daan.

⁵ At sa alin mang bahay na inyong pasukin, ay sabihin ninyo muna, ^(C)Kapayapaan nawa sa bahay na ito.

⁶ At kung ^(D)mayroon doong anak ng kapayapaan, ang inyong kapayapaa'y mananatili sa kaniya: datapuwa't kung wala, ay babalik ito sa inyong muli.

⁷ At magsipanatili kayo sa bahay ding yaon, na kanin at inumin ninyo ang mga bagay na kanilang ibigay: sapagka't ang manggagawa ay marapat sa kaniyang kaupahan. Huwag kayong mangagpalipatlipat sa bahay-bahay.

⁸ At sa alin mang bayan na iyong pasukin, at kayo'y kanilang tanggapin, ay kanin ninyo ang mga bagay na ihain sa inyo:

⁹ At pagalingin ninyo ang mga may-sakit na nangaroon, at sabihin ninyo sa kanila, ^(E)Lumapit na sa inyo ang kaharian ng Dios.

¹⁰ Datapuwa't sa alin mang bayan na inyong pasukin, at hindi kayo tanggapin, magsilabas kayo sa kanilang mga lansangan at inyong sabihin,

¹¹ Pati ng alabok ng inyong bayan na kumakapit sa aming paa, ay ipinapagpag namin laban ^(F)sa inyo: gayon ma'y inyong talastasin ito, na lumapit na ang kaharian ng Dios.