²⁵ Sukat na sa alagad ang maging katulad ng kaniyang guro, at sa alila ang maging katulad ng kaniyang panginoon. Kung pinanganlan nilang Beelzebub ^(A)ang panginoon ng sangbahayan, gaano pa kaya ang mga kasangbahay niya!

²⁶ Huwag nga ninyo silang katakutan: ^(B)sapagka't walang bagay na natatakpan, na hindi mahahayag; at natatago na hindi malalaman.

²⁷ Ang sinasabi ko sa inyo sa kadiliman, ay sabihin ninyo sa kaliwanagan; at ang narinig ninyo sa bulong, ay inyong ipagsigawan sa mga bubungan.

²⁸ At huwag kayong mangatakot sa mga nagsisipatay ng katawan, datapuwa't hindi nangakakapatay sa kaluluwa: kundi bagkus ang katakutan ninyo'y yaong makapupuksa sa kaluluwa at sa katawan sa ^(C)impierno.

²⁹ Hindi baga ipinagbibili ng isang beles ang dalawang maya? at kahit isa sa kanila'y hindi mahuhulog sa lupa kung hindi pahintulot ng inyong Ama:

³⁰ Datapuwa't maging ang mga buhok ng inyong ulo ay pawang bilang na lahat.

³¹ Huwag nga kayong mangatakot: kayo'y lalong mahalaga kay sa maraming maya.

³² Kaya't ang bawa't kumikilala ^(D)sa akin sa harap ng mga tao, ay kikilalanin ko naman ^(E)siya sa harap ng aking Ama na nasa langit.

³³ Datapuwa't ^(F)sinomang sa aki'y magkaila sa harap ng mga tao, ay ikakaila ko naman siya sa harap ng aking Ama na nasa langit.

²² Sapagka't walang ^(A)anomang bagay na natatago, kundi upang mahayag; ni nalilihim, kundi yao'y upang mapasa liwanag.

¹⁷ Sapagka't walang bagay na natatago, ^(A)na di mahahayag; o walang lihim, na di makikilala at mapapasa liwanag.