Marcos 11:12-14

Ang Pulong Sa Dios

Gitunglo ni Jesus ang Kahoy nga Igos

(Mat. 21:18-19)

¹² Pagkaugma, sa pagbiya nila sa Betania balik sa Jerusalem, gigutom si Jesus. ¹³ Sa unahan, aduna siyay nakita nga kahoy nga igos nga labong ug dahon. Busa giadtoan niya aron sa pagsusi kon may bunga kini, apan wala siyay nakita nga bunga kondili pulos lang dahon, kay dili pa kadto tingbunga sa igos. ¹⁴ Unya miingon si Jesus sa kahoy nga igos, “Gikan karon wala nay tawo nga makakaon sa imong bunga!” Nadungog sa iyang mga tinun-an ang iyang gisulti.