Jezi resevwa timoun yo

(Mat 19:13-15; Lik 18:15-17)

¹³ Moun yo te pote yon ekip timoun bay Jezi pou l te ka mete men sou tèt yo pou l beni yo. Men disip yo menm t ap di moun yo non. ¹⁴ Lè Jezi wè sa k t ap pase a, li te vin fache epi li di yo: “Kite timoun yo vin jwenn mwen. Pa anpeche yo, paske wayòm Bondye a se pou moun ki sanble ak timoun sa yo. ¹⁵ An verite, mwen di nou: Nenpòt moun ki pa aksepte Wayòm Bondye a tankou jan yon timoun aksepte tout bagay, li p ap ka antre ladan l.” ¹⁶ Apre sa, Jezi pran timoun yo nan bra l, li touche yo ak men l, epi li beni yo.