Marcus 12:41-44

Biblia Sacra Vulgata

⁴¹ Et sedens Jesus contra gazophylacium, aspiciebat quomodo turba jactaret aes in gazophylacium, et multi divites jactabant multa.

⁴² Cum venisset autem vidua una pauper, misit duo minuta, quod est quadrans,

⁴³ et convocans discipulos suos, ait illis: Amen dico vobis, quoniam vidua haec pauper plus omnibus misit, qui miserunt in gazophylacium.

⁴⁴ Omnes enim ex eo, quod abundabat illis, miserunt: haec vero de penuria sua omnia quae habuit misit totum victum suum.