Marcos 9:43-45

Magandang Balita Biblia (with Deuterocanon)

⁴³ Kung^(A) ang kamay mo ang nagiging sanhi ng iyong pagkakasala, putulin mo ito! Mas mabuti pa ang pumasok sa buhay na walang hanggan na putol ang isang kamay, kaysa may dalawang kamay na mapunta ka sa impiyerno, sa apoy na hindi namamatay. [⁴⁴ Doo'y hindi namamatay ang mga uod na kumakain sa kanila at ang apoy.]^{[a] 45} Kung ang paa mo ang nagiging sanhi ng iyong pagkakasala, putulin mo ito! Mabuti pa ang pumasok sa buhay na walang hanggan na putol ang isang paa, kaysa may dalawang paa na mapunta ka sa impiyerno.