Marcos 3:1-3

Magandang Balita Biblia (with Deuterocanon)

Pinagaling ang Lalaking Paralisado ang Isang Kamay^(A)

3 Muling pumasok si Jesus sa sinagoga. Naratnan niya roon ang isang lalaking paralisado ang isang kamay. ² Pinagmasdan ng ilang taong naroroon kung pagagalingin ni Jesus ang lalaking iyon sa Araw ng Pamamahinga, upang may maiparatang sila laban sa kanya. ³ Tinawag ni Jesus ang lalaking paralisado ang kamay, “Halika rito!”