Marcos 15:21-25

Ang Salita ng Diyos

Ipinako Nila si Jesus sa Krus

²¹ May isang dumadaan na pinilit nilang magbuhat ngkrus ni Jesus. Ito ay si Simon na taga-Cerene na dumating galing sa kaniyang bukid. Siya ang ama ni Alejandro at ni Rufo.

²² Dinala nila si Jesus sa dako ng Golgota na ang kahulugan ay dako ng bungo. ²³ Binigyan nila siya ng alak na may halong mira upang kaniyang inumin ngunit hindiniya ito tinanggap. ²⁴ Matapos siyang ipako sa krus, pinaghati-hatian nila ang kaniyang mga damit. Nagpalabunutan sila upang malaman nila kung kanino at ano ang madadala ng bawat isa.

²⁵ Ika-tatlo na ang oras nang siya ay ipako nila sa krus.