Marcos 12:40-42

Magandang Balita Biblia

⁴⁰ Inuubos nila ang kabuhayan ng mga biyuda at ang mahahaba nilang dasal ay mga pagkukunwari lamang. Dahil diyan, mas mabigat na parusa ang igagawad sa kanila.”

Ang Kaloob ng Biyuda^(A)

⁴¹ Naupo si Jesus sa tapat ng hulugan ng mga kaloob sa Templo, at pinagmasdan ang mga naghuhulog ng salapi. Napansin niyang maraming mayayaman ang naghuhulog ng malalaking halaga. ⁴² Lumapit naman ang isang biyudang dukha at naghulog ng dalawang salaping tanso.