Marcos 1:35-39

Magandang Balita Biblia

Ang Pangangaral ni Jesus sa Galilea^(A)

³⁵ Madaling-araw pa'y bumangon na si Jesus at nagpunta sa isang lugar na walang tao at doon ay nanalangin siya. ³⁶ Hinanap siya ni Simon at ng mga kasama nito, at ³⁷ nang matagpuan siya ay sinabi nila, “Hinahanap po kayo ng mga tao.”

³⁸ Ngunit sinabi niya sa kanila, “Kailangang pumunta rin tayo sa mga karatig-bayan upang makapangaral ako roon. Ito ang dahilan ng pagparito ko.”^[a]

³⁹ Nilibot^(B) nga ni Jesus ang buong Galilea. Nangaral siya sa kanilang mga sinagoga at nagpalayas ng mga demonyo.