Marcos 7:31-37

Ang Biblia (1978)

³¹ At siya'y muling umalis sa ^(A)mga hangganan ng Tiro, at napasa Sidon hanggang sa dagat ng Galilea, na kaniyang tinahak ang mga hangganan ng ^(B)Decapolis.

³² At dinala nila sa kaniya ang isang bingi at utal; at ipinamanhik nila sa kaniya na kaniyang ipatong ang kaniyang kamay sa kaniya.

³³ At siya'y ^(C)inihiwalay niya ng bukod sa karamihan, at isinuot ang kaniyang mga daliri sa mga tainga niya, at siya'y ^(D)lumura, at hinipo ang kaniyang dila;

³⁴ At ^(E)pagkatingala sa langit, ay siya'y ^(F)nagbuntong-hininga, at sinabi sa kaniya, ^(G)Ephatha, sa makatuwid baga'y, Mabuksan.

³⁵ At nangabuksan ang kaniyang mga pakinig, at nakalag ang tali ng kaniyang dila, at siya'y nakapagsalitang malinaw.

³⁶ At ^(H)ipinagbilin niya sa kanila na kanino mang tao ay huwag nilang sabihin: ^(I)nguni't kung kailan lalong ipinagbabawal niya sa kanila, ay lalo namang kanilang ibinabantog.

³⁷ At sila'y nangagtataka ^(J)ng di kawasa, na nangagsasabi, Mabuti ang pagkagawa niya sa lahat ng mga bagay; kaniyang binibigyang pakinig pati ng mga bingi, at pinapagsasalita ang mga pipi.