Mangangaral 12:7-9

Magandang Balita Biblia (with Deuterocanon)

⁷ Alalahanin mo siya bago manumbalik sa alabok ang ating katawang lupa at ang ating hininga ay magbalik sa Diyos na may bigay nito. ⁸ “Napakawalang kabuluhan!^[a] Lahat ay napakawalang kabuluhan,” sabi ng Mangangaral.

⁹ Lahat ng nalalaman ng Mangangaral ay itinuro niya sa mga tao. Pinag-aralan niyang mabuti ang mga kasabihan at sinubok kung ito'y totoo.