Malakias 2:5-7

Ang Salita ng Dios (Tagalog Contemporary Bible)

⁵ Sa aking kasunduan kay Levi, ipinangako ko sa kanya ang buhay^[a] at kapayapaan, basta igalang lamang niya ako. At iyan nga ang kanyang ginawa. ⁶ Itinuro niya ang katotohanan at hindi ang kasinungalingan. Maayos ang kanyang relasyon sa akin at namuhay siya nang matuwid. At tinulungan niya ang maraming tao upang huwag nang gumawa ng kasalanan.

⁷ “Sa katunayan, tungkulin ninyong mga pari na turuan ang mga tao, na malaman nila ang tungkol sa akin. At dapat naman silang magpaturo sa inyo, dahil mga sugo ko kayo.