Lukka 20:3-8

Endagaano Enkadde nʼEndagaano Empya

³ Yesu n’addamu nti, “Nange ka mbabuuze ekibuuzo kino. ^4 (A)Okubatiza kwa Yokaana kwava eri Katonda nandiki kwava mu bantu?”

⁵ Ne basooka okwogeraganyaamu bokka ne bokka nga bagamba nti, “Bwe tunaagamba nti, ‘Kwava mu ggulu,’ ajja kutubuuza nti, ‘Kale, lwaki temwamukkiriza?’ ^6 (B)Naye ate bwe tunaddamu nti, ‘Kwava mu bantu,’ abantu bonna bajja kutukuba amayinja, kubanga bamatizibwa nti Yokaana yali nnabbi.”

⁷ Kyebaava baddamu nti, “Tetumanyi gye kwava.”

⁸ Yesu n’abagamba nti, “Nange sijja kubabuulira gye nzigya obuyinza obunkozesa bino.”