Luka 11:24-26

Agano Jipya: Tafsiri ya Kusoma-Kwa-Urahisi

Hatari ya Kuwa Mtupu

(Mt 12:43-45)

²⁴ Mtu anapotokwa na roho chafu, roho hiyo husafiri sehemu zilizo kavu, ikitafuta mahali ili ipumzike. Lakini hukosa mahali pa kupumzika. Hivyo husema, ‘Nitarudi kwenye nyumba nilikotoka.’ ²⁵ Inaporudi hukuta nyumba imesafishwa na kupangwa vizuri. ²⁶ Ndipo roho hiyo chafu huenda ikachukua roho wengine saba, walio waovu kuliko yenyewe. Na kwa pamoja roho zote hizo huingia na kuishi ndani ya mtu huyo, na mtu huyo hupata matatizo mengi kuliko ya kwanza.”