Lukas 2:1-5

Reimer 2001

2 Nu pasead daut enn dee Tiet daut de Kjeisa Augustus en Beschlus jeef daut de gaunse Welt sull ennjeschraewe woare.

² Dit wea daut easchte Mol daut de Mensche ennjeschraewe worde aus Kjiereenius rejiare deed enn Sierean.

³ En aule jinje sikj ennschriewe lote, no de Staut wua see tus heade.

⁴ En Joosaf kjeem uk fonn Galilaea ut dee Staut Natsaret, no Judaea, no Doft siene Staut dee Betlehem heet; wiel hee wea fonn Doft sien Staum en Famielje;

⁵ omm sikj enschriewe lote met siene feleefte Fru Marie, dee met Kjint wea.