Lukka 17:28-37

Endagaano Enkadde nʼEndagaano Empya

^28 (A)“Era kiriba nga bwe kyali mu nnaku za Lutti. Abantu baali balya nga banywa, nga bagula era nga batunda, nga balima era nga bazimba amayumba, ²⁹ okutuusa ku lunaku Lutti lwe yava mu Sodomu. Olwo omuliro n’olunyata ne biyiika okuva mu ggulu ne bizikiriza buli kimu.

^30 (B)“Bwe bityo bwe biriba ku lunaku, Omwana w’Omuntu lw’alirabikirako. ^31 (C)Ku lunaku olwo omuntu yenna aliba waggulu ku nju, takkanga mu nju munda kuggyamu bintu bye. N’abo abaliba mu nnimiro tebaddangayo eka okubaako ne bye banonayo. ^32 (D)Mujjukire mukazi wa Lutti! ^33 (E)Buli anoonya okuwonya obulamu bwe alibufiirwa, naye buli eyeefiiriza obulamu bwe alibuwonya. ³⁴ Mbagamba nti ku lunaku olwo abantu babiri baliba ku kitanda kimu, Omu alitwalibwa naye munne n’alekebwa. ^35 (F)Abantu babiri baliba basa ku lubengo, omu alitwalibwa naye munne alirekebwa. ³⁶ Abasajja babiri baliba mu nnimiro, omu alitwalibwa naye munne alirekebwa.”

^37 (G)Awo abayigirizwa be ne bamubuuza nti, “Mukama waffe, nga batwalibwa wa?”

Yesu n’abaddamu nti, “Awaba ekifudde awo ensega^[a] we zirikuŋŋaanira!”