Lik 12:31-34

Nouvo Testaman: Vèsyon Kreyòl Fasil

³¹ Akòde plis enpòtans a wayòm Bondye a pito, epi l ap ban nou tout lòt sa nou bezwen kòm degi.

Pa mete konfyans ou nan lajan

³² Ti twoupo mouton m yo, nou pa bezwen pè, paske Bondye Papa nou pran plezi pou l ban nou Wayòm nan. ³³ Vann tout sa nou genyen epi bay pòv kòb la. Si nou fè sa, n ap gen yon bous ki p ap janm gen twou. N ap gen yon trezò k ap dire pou tout tan nan syèl la,^[a] kote vòlè pa ka jwenn li, kote mit pa ka manje l. ³⁴ Paske kote trezò w ye se la kè w ap ye tou.